O‘zbekiston Superligasi 12-tur o‘yinlari yakuniga yetdi. Har doimgidek tur lauretlarini e’lon qilishda davom etamiz.
Stadion.uz talqiniga ko‘ra, Superliga 12-turining eng yaxshi futbolchisi deb "Paxtakor” hujumchisi Igor Sergeev topildi.
"Sherlar" hujumchisi “Qizilqum”ga qarshi kechgan bahsda 3ta gol urdi va “Paxtakor”ning yirik g‘alabasiga o‘z hissasini qo‘shdi. Igor yana avvalgi darajasiga qaytayotgani muxlislarni albatta xursand qiladi.
Futbolchi shuningdek, faoliyati davomidagi gollar sonini 100taga yetkazib oldi. Ayni damda Igor Superliga to‘p urarlar orasida 5ta gol bilan 8-o‘rinda bormoqda.
Eslatib o‘tamiz, “Paxtakor” – “Qizilqum” bahsi “sherlar”ning yirki 8:0 hisobidagi g‘alabasi bilan yakunlangan edi.
