"Forbes" журнали жаҳоннинг энг қиммат 50та спорт клублари рейтингини эълон қилди. Ундан Европанинг 8та футбол клублари ўрин олди.

Футбол жамоалари орасида «Реал» клуби рейтингни бошқармоқда. Унинг қиймати 4,24 миллиард долларга баҳоланган. Шунингдек, «Барселона» (4,02 млрд доллар) ва «Манчестер Юнайтед» (3,81 млрд доллар) клублари топ-10га киритилди.

Умумий рейтингни эса Америка футболи бўйича "Даллас Ковбойз" (5 млрд доллар) клуби эгаллаган бўлса, иккинчи поғонани «Нью-Йорк Янкиз» бейсбол клуби (4,6 млрд доллар) забт этган.

Жаҳоннинг энг қиммат футбол клублари:

3. «Реал» (4,24 млрд доллар);

4. «Барселона» (4,02);

6. «Манчестер Юнайтед» (3,81);

17. «Бавария» (3,02);

25. «Манчестер Сити» (2,69);

32. «Челси» (2,58);

42. «Арсенал» (2,27);

45. «Ливерпуль» (2,18).