Клублар ўртасидаги энг оммабоп лиганинг гуруҳ босқичига қуръа ташланганидан ҳабарингиз бор. Ушбу қуръа бир нечта ажойиб тўқнашувларни бизга тақдим этиши кутилмоқда. Гуруҳ босқичига қуръа ташлаш маросимида иштирок этган футболчилар ўз гуруҳлари ҳақида фикрлар билан ўртоқлашишди.
Виржил ван Дейк
Бу мусобақада ҳамма нарса амалга ошиши мумкин. Ҳар қандай жамоа бизни енгишни жуда истайди. Шу сабабли, ҳар бир учрашувда жанг қилишга тайёр бўлишимиз лозим. Гуруҳумизда «Наполи»ни алоҳида қайд этиш лозим. Ўтган мавсумда улар бизга муаммолар туғдиришга муваффақ бўлишган эди. Энди биз уларга қандай қаршилик кўрсатишни ўргандик. Энди биз ҳам уларга кўплаб муаммолар туғдиришга тайёрмиз. Бизнинг мақсадимиз ўзгармади. Ўйлашимча, бу мавсумда ҳам ЕЧЛ да ғолиб чиқишга қурбимиз етади.
Серҳио Рамос
Мен гуруҳумизни осон демаган бўлар эдим. Сабаби, бизнинг гуруҳда ПСЖ бор. Мбаппенинг ўзи алоҳида мавзу эканлигини тан олиш лозим. Мен унинг нималарга қодир эканлигни жуда яхши биламан. Ўйлашимча кейинчалик айнан у дунёнинг энг кучли футболчиси номини қўлга киритади. Биз уни ушлаб қолишимиз ва зарарсизлантиришимиз лозим. «Реал» қироллик клуби ва биз бу номга лойиқ бўлишимиз зарур. Ёзда жамоамизда катта ўзгаришлар амалга ошди ва эндиликда фақат юқори ўринлар учун кураш олиб боришни истаймиз.
Луис Суарез
Гуруҳимиздаги жамоалар билан бир ҳил имкониятга эгамиз деб ўйлайман. Бундан ташқари, бу мусобақада «Ювентус», ПСЖ сингари кучли жамоалар бизни плай-офф босқичида қарши олиши мумкин. Асосийси шундаки, биз ўтган мавсумда қилган хатоларимиздан хулоса чиқаришимиз лозим. Айнан ўша хатолар туфайли биз ғолибликдан маҳрум бўлган эдик. Биз мавсум олдидан чемпионлик учун бор кучимиз билан ҳаракат қилишга келишиб олдик. Шу ўринда «Ла Лига»да ғолиблик учун кураш олиб боришимизни ҳам қўшиб қўймоқчи эдим. «Барселона» чемпионликни муносиб ҳимоя қилиши лозим. Бу икки мусобақада бир пайтда ғолиб чиқиш мушкул, бироқ биз буни уддалашимизга ишончим комил. Ахир бизнинг таркибимизда футбол тарихидаги энг кучли футболчи тўп суради!
Роналду
очиғи, Испанияни жуда соғиняпман. У ерда Месси билан рақобатлашар эдик ва айнан шу рақобат бизни олдинга чорлар эди. Биз бир вақтда фаолиятимизни якунламасак керак. Сабаби, мен ундан 2 ёш каттаман. Шундай бўлсада, жисмоний холатим ажойиб холатда. Мен "Ювентус" сафида яна 2 йил балки 3 йил тўп суришим мумкин. Мени ёмон кўрадиганлар яна узоқ муддат сабр қилишларига тўғри келади. Қуръа борасида ҳавотирим йўқ. Биз ўтган мавсумда «Атлетико Мадрид» билан тўқнаш келган эдик. Семионенинг жамоасига қарши учрашувлар доиммо оғир ўтган. Шундай бўлсада, биз бу тўсиқдан ўтишимизга ишончим комил.
Плай-оффда ким билан ўйнашни истайман? Ҳозирча бу ҳақида фикр билдириш ғалатироқ туюлар. Ахир, Олдинда бизни гуруҳ баҳслари кутиб турибди. Шунга қарамасдан, тан олиб айтиш лозим мен «Реал Мадрид» билан плай-офф да тўқнаш келишни истаган бўлар эдим. Менимча ушбу баҳс мухлислар ва футболчиларда жуда катта қизиқиш уйғотади.
