"Истанбул" ярим ҳимоячиси Арда Туронга нисбатан суд жараёни якунига етди. Туркиялик футболчи 2 йилу 8 ойга шартли равишда озодликдан маҳрум қилинди. Турон аввал судланмагани учун қамалмади.

Суд Ардани лицензияга эга бўлмаган қурол сақлаш, пистолетдан ўқ узиш, қасддан ҳужум қилишда айбдор деб топди. Футболчидан жинсий шилқимлик айблови олиб ташланди.

Эслатиб ўтамиз, футболчи ўтган йилнинг октябрь ойида қўшиқчи Беркай Шахинга ҳужум қилиб, унинг бурнини синдирган эди. Турон хонанданинг аёлига шилқимлик қилганидан кейин улар ўртасида можаро келиб чиққан эди.

"Барчаси тугаганидан хурсандман. Мен айбдор эмасман. Мен ҳеч қандай жиноят содир этмади. Менга туҳмат қилишди. Мен профессионалман. Ўз ишимни бажараман ва ўз оиламни иқтисодий жиҳатдан таъминлайман", - деди Турон суд қарори эълон қилинганидан сўнг.

Аввалроқ Турон 12 йилга қамалиши мумкинлиги ҳақида хабарлар тарқалганди. Арда ҳуқуқий жиҳатдан ҳамон "Барселона"га тегишли.