Бундан бир неча кун илгари эътиборингизга трансфер қиймати кескин кўтарилган футболчилар ҳақида маълумот берган эдик. Бугун эса, кутилмаганда трансфер бозорида нархи тушиб кетган футболчилар ҳақида сўз боради.
Ян Вертонген
Бельгиялик футболчи 2012-йилдан бери «Тоттенҳем» сафида ишончли ўйин кўрсатиб келаётган ҳимоячи ўзининг унверсаллиги билан ажралиб туради. У қанот ҳимоясида ва марказий ҳимояда катта наф келтиради. Бундан ташқари, Почетиньо баъзан уни таянч ярим ҳимоячиси сифатида ҳам майдонга тушириши мумкин. Бундан бир мавсум илгари 30-35 миллион евро атрофида баҳоланган Вертонгеннинг нархи 10 миллион еврога арзонлаб кетди ва 22 миллионни ташкил этмоқда. Афсуски, кейинг мавсумда бу кўрсатгич янада пастлаб кетиши мумкин. Вертонгер қанчалар ишончли бўлмасин, йиллар ўз кучини кўрсатмай қолмайди.
Шкордан Мустафи
.jpg)
Ўтган мавсумда мураббий билан чиқиша олмган ҳимоячи янги мавсумда тўлиқ Заҳира футболчисига айланиб қолди. «Арсенал» устози Унай Эмири эса, айнан Мустафининг ўрнини Давид Луиз билан тўлдиришга қарор қилди ва бразилиялик футболчи ишончни тўлиқ оқламоқда. Бечора Мустафининг трансфер маркетдаги нархи ҳам бирдан пасайиб кетди. Ўтган мавсумда 30 миллион еврога баҳоланган ҳимоячини 15 миллион еврога ҳам ҳеч ким қўлга киритишни истамаяпти.
Маркос Алонсо
Антонио Конте даврида ўзининг энг кучли футболлини намойиш этган ҳимоячининг нархи тобора тушиб бормоқда. «Челси» футболчисининг нархи хозирда 30 миллион еврони ташкил этмоқда. Ваҳоланки, шу йилнинг июнь ойида ушбу кўрсаткич 40 миллион аторофида эди. Бу мавсумда Алонсо майдонга тез-тез тушиб турган бўлсада, унинг ўйинларида пасайиш кузатилмоқда.
Эрик Дайер
Ўз фаолиятини Португалияда бошлаган Даер «Тоттенҳем» клубига ўтгач марказий ҳимоячи ролини таянч ярим ҳимоячисига ўзгартирган бўлсада, бу унинг ўйинларига таъсир ўтказгани йўқ. Афсуски, янги мавсумда футболчи асосий таркибдаги ўрнини бериб қўйди ва ҳозирча бирорта учрашувда майдонга тушганича йўқ. Шунга қарамай унинг нархи қисқа муддатда 10 миллон еврога арзонлаб кетди. Ҳозирда трансфермаркет нашри тарқатган хабарларга кўра, Эрикнинг қиймати 30 миллион ва бу кўрсатгич у майдонга тушмаса янада камайиб кетади.
Наби Кейта
.jpg)
«Ливерпуль» бош мураббийи Юрген Клопп томонидан стратегиc мақсадлар йўлида ҳарид қилинган футболчи жамоага мослашиб кета олмаяпти. Боз устига жароҳатлар ҳам Кейтани қийин аҳволда қолдирмоқда. Трансфермаркет нархи хозирда Наби Кейтанинг қийматини 10 миллион еврога арзонлаганини эълон қилди. Айни дақиқада трансфермаркет аналитиклари ҳисоб-китобига кўра Кейтанинг 10 жиҳат сабабли тез орада яна қиймати тушиб кетади.
