21-тур доирасида бўлиб ўтган "Андижон"-"Сурхон" жамоалари ўртасидаги учрашувдан сўнг ўтказилган матбуот анжуманининг биринчи қисмида меҳмонлар бош мураббийи Владимир Андреев иштирок этди.

Аввало, "Андижон" жамоасини бугунги ғалаба билан табриклайман. Бизга нисбатан уларда ғалабага бўлган иштиёқ юқори эди. Бир қатор хатоларга йўл қўйдик. Иккинчи бўлимда ўйин тизгинини қўлга олишга ҳаракат қилдик, аммо, буни уддалай олмадик. Қолаверса, гол киритиш учун вазиятларимиз ҳам кўп бўлмади.

- Бугун жамоангиз ўйинга юз фоиз тайёр эмасдек кўринди.

- Бизнинг энг кучли чизиғимиз ҳимоямиз эди. Тўғри, йил мобайнида стабил ўйин намойиш этишни имкони бўлмайди. Ҳозир 21-тур, балки чарчашгандир, балки, юзага келаётган паузалар бунга сабаб бўлгандир, балки мураббийлар ўйинги яхли тайёрлай олишмагандир.

- Шавкат Саломов кўринмади бугун?

- Саломов икки кун олдин жароҳат олди. Шу боис бугун таваккал қилиб уни майдонга туширишни хоҳламадим. Ўз майдонимизда муҳим учрашувлар кутиб турибди, ана шу учрашувларга тайёр бўлади деган умиддаман.