21-tur doirasida bo‘lib o‘tgan "Andijon"-"Surxon" jamoalari o‘rtasidagi uchrashuvdan so‘ng o‘tkazilgan matbuot anjumanining birinchi qismida mehmonlar bosh murabbiyi Vladimir Andreev ishtirok etdi.

Avvalo, "Andijon" jamoasini bugungi g‘alaba bilan tabriklayman. Bizga nisbatan ularda g‘alabaga bo‘lgan ishtiyoq yuqori edi. Bir qator xatolarga yo‘l qo‘ydik. Ikkinchi bo‘limda o‘yin tizginini qo‘lga olishga harakat qildik, ammo, buni uddalay olmadik. Qolaversa, gol kiritish uchun vaziyatlarimiz ham ko‘p bo‘lmadi.

- Bugun jamoangiz o‘yinga yuz foiz tayyor emasdek ko‘rindi.

- Bizning eng kuchli chizig‘imiz himoyamiz edi. To‘g‘ri, yil mobaynida stabil o‘yin namoyish etishni imkoni bo‘lmaydi. Hozir 21-tur, balki charchashgandir, balki, yuzaga kelayotgan pauzalar bunga sabab bo‘lgandir, balki murabbiylar o‘yingi yaxli tayyorlay olishmagandir.

- Shavkat Salomov ko‘rinmadi bugun?

- Salomov ikki kun oldin jarohat oldi. Shu bois bugun tavakkal qilib uni maydonga tushirishni xohlamadim. O‘z maydonimizda muhim uchrashuvlar kutib turibdi, ana shu uchrashuvlarga tayyor bo‘ladi degan umiddaman.