«Тоттенҳэм» клуби қишки трансфер ойнасида асосий таркибнинг бир неча футболчисини сотиб юбориши мумкин.
The Times хабарига кўра, лондонликлар ҳимоячилар Серж Орье ва Дэнни Роуз, яримҳимоячилар Эрик Дайер, Кристиан Эриксен ва Виктор Ваньяма билан хайрлашишни режалаштирмоқда. Бу ташаббус бош мураббий Маурисио Почеттинодан чиқяпти. У қониқарсиз натижалардан норози ва жамоани қайта шакллантирмоқчи.
Бундан ташқари, «Тоттенҳэм»даги ички муҳит ҳам яхши эмас. Бу баъзи футболчиларнинг трансферга қўйилиши билан боғлиқ. Футболчилар қишда сотиб юборилишини билгач, майдонда жонбозлик кўрсатишни истамаяптилар.
