Тошкентнинг «Ҳумо» клуби ўз майдонида Воронежнинг «Буран» жамоасига қарши баҳс олиб борди. Қизиқарли ва томошабоп тарзда кечган учрашув голларга бой бўлди ва якунда тошкентликлар 6:2 ҳисобидаги йирик ғалабани қўлга киритишди.
Мезбонлар сафида Павел Синявский, Семён Валуйский, Арслан Ахметянов, Платон Попов (дубль) ва Арсений Ерохинлар томонидан киритилган голларга «Буран» сафида Кирилл Слепец ва Александр Чиглинцевлар жавоб қайтара олишди холос.
Маълумот учун, "Ҳумо" ўзининг навбатдаги ўйинини 25 октябрь куни "Тамбов"га қарши ўтказади. Мазкур беллашув "Ҳумо-Арена"да соат 19:30 да старт олади.