Хорватиянинг "НК Еленград" клуби футболчиси Иван Газдек ўйин пайтида товуқни ўлдириб қўйиб, бунинг учун қизил карточка олди, дея хабар тарқатди 24SATA.
Манбага кўра, атрофи очиқ майдонда ўтаётган учрашув пайтида кутилмаганда товуқлар пайдо бўлди. Газдек уларнинг кетидан қувлади ва биттасини тепди. Бунинг натижасида товуқ ўша заҳоти ўлди. Футболчи уни майдондан ташқарига отиб юборди. Ҳакам эса, қоидаларга амалга қилган ҳолда, ўйинчини майдондан четлатди.
"Товуқлар доимо майдонга чиқиб келишди. Улар туфайли майдонда нажаслар кўпайди, бу эса гигиенага мос келмайди. Мен тасодифан улардан бирини ўлдириб қўйдим, ҳакам эса дарҳол менга қизил карточка кўрсатди. Мен товуқ эгасидан узр сўрадим ва унга янги товуқ юбордим", - деди Газдек.
