Каталониянинг «Барселона» клуби «Леганес» ҳужумчиси Мартин Брейтуэйтни 18 миллион еврога сотиб олганини расман эълон қилганди.
Футболчи кеча камера қаршисида «кўк-анорранглилар» билан 4 йиллик битим тузди, кейин фотосессия ўтказиш учун майдонга йўл олди ва тўп билан қандай муомила қилишини кўрсатиб қўймоқчи бўлди... Лекин, бу ишни амалга оширмагани яхши эди...
Даниялик футболчи «камалак» финтини амалга оширмоқчи бўлиб, тўпни ҳаракатга келтиришни бошлади, бироқ, биринчи уриниш омадсиз чиқди. Аммо Мартин яна ушбу финтни амалга оширмоқчи бўлди, лекин бу сафар ҳам омадли чиқмади. Шу тариқа, у биринчи кунданоқ етарлича кулгуга сабаб бўлди.