Каталониянинг «Барселона» клуби президенти Жозеп Бартомеу жамоанинг турнир жадвалида эгаллаб турган ўринидан хавотирда эмаслигини айтиб ўтди.

«Футболда тақиб қилаётган жамоанинг ғалаба қозониши осонроқ бўлади. «Реал» бизни доим тақиб қилиб юрарди, ҳозир эса вазиятдан фойдаланди. Бундан фожиа ясаш шартмас. Мавсум ҳали якунланмади. «Барселона» «Реал»га босим ўтказишда давом этади ва якунда улардан ўтиб кетади.

Мавсумнинг биринчи ярмидан сўнг, жавдалнинг юқори қисмидаги жамоаларнинг зичлиги жиддий эди. Ҳозир эса 1-ўрин учун фақат «Барселона» ва «Реал» клублари кураш олиб бормоқда», — деди Жозеп Бартомеу.