Англия чемпионатининг 29-тури доирасида «Манчестер Юнайтед» ўз уйида «Манчестер Сити»ни қабул қилиб, 2:0 ҳисобида ғалаба қозонди.

Шунчаки рақамлар:

— Пеп Гвардиола мураббийлик фаолиятида биринчи марта, бир мавсумда бир жамоага 3 марта ютқазди (иккитаси АПЛ, биттаси Англия лига кубоги доирасида).

— Гвардиола фаолиятида илк маротаба бир мавсумда чемпионатнинг 7та ўйинида ўйинида мағлуб бўлди.

— «МЮ» 10 йилда биринчи марта «Манчестер Сити»ни АПЛ мавсумида иккала ўйиндаям ютди.

— АПЛда икки жамоа бу мавсумда «Манчестер Сити»ни ҳам уйда, ҳам сафарда ютмоқда. Биринчиси — "Вулверҳэмптон" (2:0, 3:2). Гвардиола сўнгги 10 йилда бундай ҳолатга тушмаганди.

— «МЮ» 2015 йилдан (4:2) бери биринчи марта «Сити»ни иккита тўп фарқи билан ютди. Қизиғи, ўшандан бери, «қизиллар» АПЛдаги Манчестер дербиларида уйда ғалаба қозона олмаётгандилар.

— «Юнайтед» барча мусобақалар доирасида сўнгги 10 ўйинда мағлубиятга учрамади. Бу ўйинларнинг 8 тасида гол ҳам ўтказиб юбормади. Тўплар нисбати - 24-2.

— Сульшер 14 ойлик фаолияти давомида Англияда топ-6 га қарши 10-ғалабасига эришди.

— Антони Марсиал Эрик Кантонадан кейин, ўзи майдонга тушган қаторасига уч Манчестер дербисида гол урган футболчи. Иккиси ҳам франциялик.

— «Ливерпуль» энди Англия чемпиони бўлиши учун кейинги ўйинларда 6 очко олиши кифоя. Агар «Сити» ҳафта ўртасида «Арсенал»га қарши қолдирилган ўйинни ютқазса, ҳатто келаси ҳафта, «Ливерпуль» дербида ғалаба қозониб, чемпион бўлиши мумкин.

Қаҳрамон Асланов.