Angliya chempionatining 29-turi doirasida «Manchester Yunayted» o‘z uyida «Manchester Siti»ni qabul qilib, 2:0 hisobida g‘alaba qozondi.

Shunchaki raqamlar:

— Pep Gvardiola murabbiylik faoliyatida birinchi marta, bir mavsumda bir jamoaga 3 marta yutqazdi (ikkitasi APL, bittasi Angliya liga kubogi doirasida).

— Gvardiola faoliyatida ilk marotaba bir mavsumda chempionatning 7ta o‘yinida o‘yinida mag‘lub bo‘ldi.

— «MYU» 10 yilda birinchi marta «Manchester Siti»ni APL mavsumida ikkala o‘yindayam yutdi.

— APLda ikki jamoa bu mavsumda «Manchester Siti»ni ham uyda, ham safarda yutmoqda. Birinchisi — "Vulverhempton" (2:0, 3:2). Gvardiola so‘nggi 10 yilda bunday holatga tushmagandi.

— «MYU» 2015 yildan (4:2) beri birinchi marta «Siti»ni ikkita to‘p farqi bilan yutdi. Qizig‘i, o‘shandan beri, «qizillar» APLdagi Manchester derbilarida uyda g‘alaba qozona olmayotgandilar.

— «Yunayted» barcha musobaqalar doirasida so‘nggi 10 o‘yinda mag‘lubiyatga uchramadi. Bu o‘yinlarning 8 tasida gol ham o‘tkazib yubormadi. To‘plar nisbati - 24-2.

— Sulsher 14 oylik faoliyati davomida Angliyada top-6 ga qarshi 10-g‘alabasiga erishdi.

— Antoni Marsial Erik Kantonadan keyin, o‘zi maydonga tushgan qatorasiga uch Manchester derbisida gol urgan futbolchi. Ikkisi ham fransiyalik.

— «Liverpul» endi Angliya chempioni bo‘lishi uchun keyingi o‘yinlarda 6 ochko olishi kifoya. Agar «Siti» hafta o‘rtasida «Arsenal»ga qarshi qoldirilgan o‘yinni yutqazsa, hatto kelasi hafta, «Liverpul» derbida g‘alaba qozonib, chempion bo‘lishi mumkin.

Qahramon Aslanov.