“Интер” ҳуқуқий жиҳатдан “Барселона”га тегишли бўлган ҳавбек Филиппе Коутиньони ўз сафига қўшиб олмоқчи. Бу ҳақда Sky Germany нашри ёзмоқда.

Манбанинг хабарига кўра, “Интер” бразилиялик футболчини бир мавсумга ижарага олмоқчи ва бу учун “Барселона”га 30 миллион евро тўлашга тайёр.

Маълумот учун, Коутиньо жорий мавсум “Бавария” сафида ижарада ўтказмоқда. У мюнхэнликлар сафида 22та ўйинда майдонга тушиб, 8та гол урган ва 6та голга ассистентлик қилган. Ёзда футболчи катта эҳтимол билан “Барса”га қайтади, “Бавария” футболчининг трансферини сотиб олмоқчи эмас.