Хитойнинг "Гуанчжоу Эвергранд" клуби жамоа ярим ҳимоячиси Юй Ханьчао билан тузилган шартномани йиртиб ташлади. Сабаби, футболчи автомобил рақамини алмаштиришга уринганди дея хабар тарқатди Goal.
Манбанинг ёзишича, футболчи коронавирус пандемияси даврида шаҳар бўйлаб бемалол юриш учун ўзининг автомобилини рақамини ўзгартирмоқчи бўлган. Футболчи рақамни алмаштираётган пайтда полиция томонидан қўлга олинган. Ўша куннинг ўзидаёқ клуб раҳбарияти Ханьчао билан тузилган шартномани бир томонлама бекор қилиб, уни йиртиб ташлаган.
33 ёшли Ханьчао "Гуанчжоу Эвергранд" клубида сафида 2014 йилдан бери ўйнаб келади. У ўтган мавсумда Хитой чемпионлигини қўлга киритганди.
