2009 йилнинг 16 апрель куни Криштиану Роналдунинг ажойиб аниқ зарбаси «Манчестер Юнайтед» клубига ЕЧЛнинг 1/4 финал босқичида «Порту» клубини мағлуб этишга ёрдам берганди.
Ўша учрашувнинг дастлабки баҳси Манчестер шаҳрида бўлиб ўтганди ва 2:2 ҳисоби қайд этилганди. Бу натижа жавоб учрашувидан олдин «Порту»ни фаворит эканлигини кўрсатарди, чунки, жавоб учрашуви Португалияда бўларди.
Жавоб учрашувининг 6-дақиқасида Роналду Элтон қўриқлаётган дарвоза томон кучли зарба йўллайди ва ўз мақсадига эришади.
Роналдунинг ўша голи учрашувда ягоналигича қолганди ва «Манчестер Юнайтед» ЕЧЛнинг ярим финалига йўл олганди.
