Хабиб Нурмагомедов ўзининг азалий рақобатчиси Тони Фергюсонга персонал твит йўллади:
“Нимаики рўй берган бўлса, ҳаммаси ўтмишда қолди. Бошингни баланд тут Тони. Ўзингда ва оилангда ҳаммаси яхши деб умид қиламан. Ўғлинг катта бўлганда сен билан фахрланади”.
Респект Хабиб! Шунча йиллик ўзаро оғзаки баҳслардан сўнг Тонига қийин вазиятда таскин берувчи сўзлар топа олди. Жуда таъсирчан твит.
Иккинчи томондан қайғули, чунки шу гаплар ортида уларнинг ўзаро қарама-қаршлиги тугагани ҳақидаги маъно яширингандек. Шахсан менга шундай туюлди.
Эслатиб ўтаман, Тони вақтинчалик камар учун жангда мағлуб бўлгач жарохатлар билан касалхонага ётқизилди.
