Xabib Nurmagomedov o‘zining azaliy raqobatchisi Toni Fergyusonga personal tvit yo‘lladi:
“Nimaiki ro‘y bergan bo‘lsa, hammasi o‘tmishda qoldi. Boshingni baland tut Toni. O‘zingda va oilangda hammasi yaxshi deb umid qilaman. O‘g‘ling katta bo‘lganda sen bilan faxrlanadi”.
Respekt Xabib! Shuncha yillik o‘zaro og‘zaki bahslardan so‘ng Toniga qiyin vaziyatda taskin beruvchi so‘zlar topa oldi. Juda ta’sirchan tvit.
Ikkinchi tomondan qayg‘uli, chunki shu gaplar ortida ularning o‘zaro qarama-qarshligi tugagani haqidagi ma’no yashiringandek. Shaxsan menga shunday tuyuldi.
Eslatib o‘taman, Toni vaqtinchalik kamar uchun jangda mag‘lub bo‘lgach jaroxatlar bilan kasalxonaga yotqizildi.
