Bu yozda Sami Xedira Joze Mourinyo bilan birga madridning «Real» klubiga qaytdi. Germaniya terma jamoasining sobiq yarim himoyachisi portugaliyalik mutaxassisning murabbiylar shtabida ish boshladi.

The Athletic ma’lumotiga ko‘ra, Xediraning vazifasi faqat mashg‘ulotlarda yordam berish bilan cheklanmaydi. 39 yoshli mutaxassis jamoa ichidagi muhitni kuzatib boradi va klubda belgilangan yuqori talablar saqlanishiga ko‘maklashadi.

Shuningdek, Xedira futbolchilar orasida katta hurmatga ega ekani ta’kidlanmoqda. U uchrashuvlarga tayyorgarlik jarayonida o‘z fikrini faol bildirib, o‘yinchilarga maslahatlar berib boradi.

Manbaning qo‘shimcha qilishicha, Xedira hali ham juda yaxshi jismoniy formada. U ayrim mashg‘ulotlarda futbolchilar bilan birga qatnashadi.

Hatto jamoa ichida sobiq yarim himoyachi hozir ham Mourinyoning «Real»dagi birinchi davridagidek maydonga tushib, bemalol o‘ynay olishi haqida hazillar ham yangramoqda.