«Барселона» клуби ва Бразилия терма жамоаси собиқ футболчиси Ривалдо Дортмунднинг «Боруссия» клуби ҳужумчиси Эрлинг Холанд ҳақида ўз фикрини билдириб ўтди.

«Реал» ва «Барселона» январь ойида Холандни қўлдан чиқаришди. Ким билади дейсиз, агар у мазкур суперклублардан бирига ўтганида ҳозиргидек ўйнай олармиди ёки йўқ? Агар у «Реал» билан шартнома имзолаганида, захирада ўтирган бўларди. Лекин у ҳозир ҳам «Реал»га ўтиши ва асосий таркибга даъвогарлик қилиши мумкин.

Холанд қайсидир жиҳати билан менга Роналдони эслатмоқда. Кўп гол урмоқда, чаққон ва яккама-якка вазиятда яхши алдаб ўтади. У майдонга ҳеч қандай қўрқувсиз чиқмоқда. У фаолиятини кучли бошлади. Лекин уни ҳозирча Роналдонинг издоши деб айтиш қийин. Бироқ унинг изидан бориш учун Холандда иқтидор етарли», — деди Ривалдо Sport.es нашрига берган интервьюсида.

Эрлинг Холанд ушбу мавсумда клуб даражасида 34та ўйинда майдонга тушиб, 41та гол урди.