«Лион» клуби собиқ ярим ҳимоячиси Жуниньо футбол тарихида жарима зарбасидан энг кўп гол урган — 77та. Иккинчи поғонани унинг ватандоши Пеле эгаллади (70 гол).
Роналдиньо ушбу рўйхатда 4-ўринни эгаллаган бўлса, Бекхэм 5-поғонани банд этган. Марадона эса 62та гол билан 6-ўринга жойлашди.
Эътиборли томони, бразилиялик собиқ дарвозабон Роджерио Сени фаолияти давомида 59та гол билан топ-10га кирди.
Замонавий футбол юлдузлари Лионель Месси ва Криштиану Роналду кучли ўнликдан ўрин олмади.
Маълумот ўрнида. Жуниньо 2001-2009 йилларда «Лион» шарафини ҳимоя қилган. У Франция чемпионати доирасида 248та ўйинда майдонга тушиб, 100та гол урган. Бразилиялик футболчи лионликлар сафида 7 марта мамлакат чемпионлигини қўлга киритган.
