Мюнхеннинг "Бавария" клуби тиббий ниқоб савдосидан 250 минг евро ишлаб олди. Бу ҳақда клуб расмий сайти хабар тарқатди.
Ниқоблар чемпионлар лигаси 1/8 финал босқичидан ўрин олган "Челси"га қарши ўйин учун чиқарилган шарфлардан тайёрланди. Ниқоблар сотилишида клубнинг икки футболчиси Йозуа Киммих ва Леон Горецкалар иштирок этди.
Маълумотларга кўра, сотувдан тушган маблағ коронавирус таъсирига қарши курашиш учун "WeKickCorona" фондига йўналтирилади.