«Ювентус» клуби ҳужумчиси Пауло Дибала Туриндаги ўзининг айни пайтдаги ҳолатидан қониқиш ҳосил қилмоқда. Эҳтимол, у "Юве" билан шартномасини узайтирар. Лекин, Дибала «Барселона» таркибида ўйнаса ёмон бўлмаслигини яширмади.
«Бир йил аввал «Ювентус» менга умуман ишонч билдирмади. Лекин Сарри келганидан кейин вазият ўзгарди.
Айни пайтда янги шартнома борасида ҳеч нарса билмайман. Амалдаги шартномам яна бир йилни ташкил қилади. Эҳтимол, қачондир янги шартнома борасида музокара олиб борармиз, балки, йўқ. Ҳозирча ҳеч нарса билмайман.
«Барселона» - жаҳоннинг энг кучли клуби ҳисобланади. Бундан ташқари, жамоа таркибида Месси ўйнамоқда. Мессининг борлиги клубнинг нуфузини янада оширади. Агар у ерда ўйнаш имконият бўлганида жуда ажойиб иш бўларди. Бироқ, «Ювентус» ўзининг узоқ йиллик тарихи билан жиддий клуб саналади», - деди Дибала CNN билан интервьюда.
