Россия футболи энг томошабоп ва қизиқарли эмаслигига ҳамда дунёда Россия Премьер-лигаси ўйинларини кимдир томоша қилиши даргумон, аммо баъзида шундай ажойиб ўйинчилар келишадики, улар ўзларининг ўйинларидан кўра савобли амаллари билан ёдда қолиб кетишади. Улардан бири Қозон шаҳрининг “Рубин" жамоасида ўйнаган турк футболчиси Гўкдениз Карадениздир.
Албатта, у Кокорин ва Мамаев каби таниқли эмас, улар Россия жамоасининг мағлубиятини нишонлаш учун Монакода шампан виноси сотиб олиш учун 50 минг евро сарфламайди, аммо у катта пулни қандай сарфлашни билади. Бу турк нафақат ўз клубига Россия чемпионлигини икки марта, бир хил миқдордаги Суперкубок ва Россия кубогини қўлга киритишга ёрдам берди, балки Қозон яқинидаги Калинино қишлоғида масжид қуришга киришди ва бунинг учун камида 60 миллион рубл ажратди!
"Мен уни қуришим керак, бу менинг бурчимдир! Мен ўзимга ўзим: агар мен яхши футболчи бўла олсам, албатта масжид қураман, деб айтганман. Аллоҳ менга ўзим яхши кўрган касбим билан машғул этди ва катта пул топиш имкониятини берди. Шундай экан, мен ўзимга берган ваъдамни бажармасликка ҳақим йўқ».
ЦСКА таркибида 6 мавсумда 60дан ортиқ тўп киритган Нигерия терма жамоасининг энг яхши ҳужумчисига айланган Аҳмад Муса 2018 йил муқаддас Рамазон ойида ўз ватанида бўлиб, у ерда Кано шаҳрининг бир нечта қамоқхоналарига ташриф буюрди. Қарзларини тўламаганлар борлигини билиб, қирқ нафар маҳбусни қамоқдан озод қилишга ёрдам берди. Уларнинг қарзларини ўз ҳисобидан тўлаб, уларга уйга, ота-онаси ва яқинлари бағрига қайтишга имкон яратди.
Кўпчилиги қашшоқликда кун кечираётган бошқа Нигерия фуқаролари ҳам унинг эътиборидан четда қолмади. Улар учун мусулмон спортчи пул ва озиқ-овқатлар тарқатди.
Асли малилик яна бир француз ярим ҳимоячиси, 2018 йилда Москвада Жаҳон чемпиони бўлган Н’Голо Канте. Унинг Лондон клубидаги беш йиллик шартномаси Абрамовичга 32 миллион фунт стерлингга тушди ва у Франция жамоасидаги илк голини Россия жамоаси дарвозасига урди.
Бу солиҳ мусулмон Африкада хайрия ишлари билан шуғулланади, бутун дунёда болаларга ёрдам беради ва нафақат ўзининг астрономик маоши билан, балки ҳайратланарли камтарлиги билан ҳам танилган. Ҳаттоайрим "юлдузлар" дабдабали спорт автомобилларини ҳайдаб юрган бир пайтда, ҳафтасига 110 минг фунт ишлаб топадиган Н’Голо атиги 20 минг фунт стерлингга тенг “Мини Купер” машинасида юради ва ўз бойлиги билан мақтанмайди.
Болалигида, ота-онасига 8 ука ва сингилларини боқиш учун ёрдам бериб, Канте Парижнинг чеккаларида пластик ахлат йиғиб, уни қайта ишлашга топширар эди.
"Мен ҳеч қачон машиналарни яхши кўрмаганман ва ҳеч қачон ҳашаматли автомобилим бўлишини орзу қилмаганман", деган эди у The Sunday Times нашрига. – “Мини” чап томон ҳаракатига ўрганиш учун қулай авто экан. "Челси" билан шартномадан кейин менинг ҳаётим ўзгармади ва мен ҳали ҳам уни миниб юрибман. У жуда қулай".
Жаҳон чемпиони. Икки Премьер-лига ва кубок, Англия ва Францияда йилнинг энг яхши футболчиси ва... анча юрган “Мини”нинг эгаси. Н’Голо – бизнинг сайёрамиздан эмас.
2018 йилда Канте эҳсон қилган маблағ унинг клубдаги йиллик даромадидан ошиб кетди – 6 000 000 фунт!
Муҳаммад ал-Шанавий – Қоҳиранинг “Ал-Аҳли” ва Миср терма жамоаси дарвозаларини ҳимоя қилаётган дарвозабон.
Муҳаммад ал-Шанавий ўта бой футболчи эмас, у Европа чемпионатларида ўйнамаган ва унинг хайр-эҳсонлари ҳақида ҳам гапириш қийин, аммо эътиборни тортадиган жиҳати бошқа ёқда.
Муҳаммад 2018 Жаҳон чемпионатидаги Миср-Уругвай ўйинининг “энг яхши ўйинчиси” деб тан олинди. Аммо ал-Шанавий унга берилган мукофотни рад этди. Ушбу мукофотни олишни истамаслигининг сабаби унинг ҳомийси алкоголли ичимликлар ишлаб чиқарувчи компания бўлганлиги ва Исломга биноан одамларнинг ҳаётини заҳарлаганлиги ва мусулмон футболчиси бундай "совға"ни олмай ўз динига содиқ қолгани эди...
