Суперлига 5-туридан ўрин олган «Навбаҳор» ва «Бухоро» жамоалари ўртасидаги баҳсдан сўнг «Навбаҳор» клуби бош мураббийи Андрей Канчелскис ўйин ҳақидаги фикрлари билан ўртоқлашди.

"Ўзингиз кўрдингиз, учрашув жуда оғир ўтди. Иккинчи таймда, айниқса, «Бухоро» клубига қарши туриш қийин кечди. Яхши вазиятлар яратдик, бироқ улардан унумли фойдалана билмадик. Акс ҳолда, ҳисоб янада йирик кўриниш олиши мумкин эди.

Бухороликларга миннатдорчилик билдираман. Улар ўзларида юзага келган муаммоларга қарамасдан кучли ўйин намойиш этишди. Бир нечта вазиятда тажриба етишмади. Жамоа сўнгги ўринда бораётган бўлса-да, руҳий жиҳатдан анча чидамли эканлигини намойиш эта олди", - деди россиялик мутахассис.