Бокс бўйича оғир вазн тоифасининг собиқ Жаҳон чемпиони Майк Тайсон бокс ва UFC’даги гонорарларни ўзаро солиштириб ўтди.
«Эшитинг, UFC — боксдан кўра машҳурроқ спорт тури, шундайми? Бироқ UFC жангчиси ҳеч қачон яхши савиядаги боксчидан бойроқ бўла олмайди.
Конор Макгрегор 100 миллион доллар ишлаб олиш учун Флойд Мейвезер билан жанг қилишга мажбур бўлди.
Агар Жон Жонс катта миқдорда пул ишлаб олишни хоҳласа, мен билан жанг қилиши керак», — дейди Тайсон.
Эслатиб ўтамиз, аввалроқ Тайсон рингга қайтиши ва бир нечта кўргазмали жангларда иштирок этишини маълум қилганди.
