Ярим ўрта вазн тоифасида UFC жангчиси Хорхе Масвидал Камару Усмон билан бўладиган жанг олдидан ўз фикрлари билан ўртоқлашди.

«Мен ҳар қачонгидан ҳам бахтлиман. Унинг юзини бежаш учун у ерга (Абу-Дабига) жўнаб кетяпман ва бунинг учун менга пул ҳам тўлашади.

Машғулотларни тўхтатмадим. Қандай формадаман? Бен Аскренга қарши жанг қилмаган бўлардим, чунки у ақл бовар қилмас жангчи. Эҳтимол, Даррен Тилл билан ҳам жанг қилмасдим. Аммо бу тўнкани (Камару Усмон — таҳр.) бемалол мағлуб эта оламан.

Ғалабам шиддатли бўлади. У зўрға нафас олади, мен эса қўлимни бошим узра баланд кўтараман. Уни бутун дунё кўз олдида янчиб ташлайман. Бу — шафқатсиз бўлади», — дейди Масвидал.

Эслатиб ўтамиз, Хорхе Масвидал ва Усмон Камару жанги Абу-Дабидаги UFC 251 мусобақасида Тошкент вақти билан 12 июль куни тонгда бўлиб ўтади.