Беларусьнинг "Энергетик-БГУ" жамоасида ҳаракат қилаётган ўзбекистонлик ҳужумчи Жасур Яхшибоев фаолиятини Солигорскнинг “Шахтёр” жамоасида давом эттиради. Бу ҳақда pressball.by нашри хабар тарқатмоқда.
“Шахтёр” Тошкентнинг “Пахтакор” клубидан ўзбек легионерининг трансфер ҳуқуқини тўлиқ харид қилгани ёки ўйинчини ижарага олгани ҳақида маълумот берилмаган.
Эслатиб ўтамиз, аввалроқ “Энергетик-БГУ” раҳбарияти ҳозирча жамоани фақат Дэвид Тве тарк этганини маълум қилганди. Жасур Яхшибоев ҳақида ҳали расмий хабарлар тасдиқланмади.
Маълумот учун, Жасурга мамлакатнинг яна бир номдор жамоаси БАТЭ ҳам қизиқиш билдираётган эди.
