«Манчестер Юнайтед» ярим ҳимоячиси Бруну Фернандеш Англия премьер-лигасининг июнь ойидаги энг яхши ўйинчиси деб топилди.

Португалиялик футболчи ўтган ойда 5та ўйинда майдонга тушиб, 4та гол урди ва 1та голга узатма берди. Фернандеш соврин учун курашда қуйидаги даъвогарларни ортда қолдирди.

Антони Марсьяль («Манчестер Юнайтед») — 4 ўйинда 3 гол ва 1 голли узатма;

Конор Коуди («Вулверҳэмптон») — 3 та қуруқ ўйин;

Рауль Хименес («Вулверҳэмптон») — 3 ўйинда 2 та гол;

Аллан Сен-Максимен («Ньюкасл») — 2 ўйинда 1 гол;

Дэнни Ингз («Саутҳэмптон») — 3 ўйинда 3 та гол ва 1 голли узатма.

Фернандеш АПЛда кетма-кет иккинчи ойда энг яхши футболчига айланди. Аввалроқ Муҳаммад Салоҳ, Жейми Варди, Харри Кейн, Криштиану Роналду, Деннис Бергкамп ва Робби Фаулер кетма-кет икки ойда энг яхши ўйинчи совринини қўлга киритишган эди.