Хитой Суперлигасининг 1-турида «Шанхай СИПГ» 27 июль, душанба куни «Тянсзин Теда» майдонига сафар қилди. Мазкур ўйинда мехмонлар 3:1 ҳисобид зафар қучди.
Ўйиннинг 64-дақиқасида ҳамюртимиз Одил Аҳмедов ўз номига ассист ёздириб қўйди. Одилнинг узатмасидан кейин Рикардо Лопес дублни расмийлаштириб, якуний ҳисобни ўрнатди.
Ўзбекистонлик футболчи учрашувнинг 68-дақиқасида захирага олинди. Шу тариқа «Шанхай СИПГ» мавсумни ғалаба билан бошлади.
Хитой Суперлигаси, 1-тур.
«Тянсзин Теда» — «Шанхай СИПГ» 1:3
Голлар: 1:0 – 6 Жун Ҳао, 1:1 – 40 Рикардо Лопес, 1:2 – 44 Ван Шенчао, 1:3 – 64 Рикардо Лопес.
«Тянсзин Теда»: Ду Сзя, Чжао Ҳунлюе, Бай Юефен, Жун Ҳао (Ҳуэй Сзякан, 80), Чен Кайму, Лю Ян, Лю Жофан (Сян Юймяо, 75), Сю Тяни, Го Ҳао, Ачимпонг, Сяо Жи.
«Шанхай СИПГ»: Ян Сзюнлин, Ван Шенчао, Ши Ке, Фу Ҳуан (Люй Венсзюн, 72), Юй Ҳай, Одил Аҳмедов (Арнаутович, 68), Оскар, Мираҳметжан Музеппер, Чен Бинбин, Халк, Рикардо Лопес.
Огоҳлантиришлар: Фу Ҳуан (5), Сяо Жи (45).
