«Бавария» ҳужумчиси Роберт Левандовски Европа чемпионлар лигаси нимчорак финал босқичи доирасида бўлиб ўтаётган «Челси»га қарши ўйинда пенальтидан гол урди.

Шу тариқа, польшалик футболчининг ЕЧЛдаги голли ўйинлар серияси 7тага етди. Ушбу ўйинларда у 12та гол уришга муваффақ бўлди. Левандовски мусобақанинг жорий мавсумидаги энг яхши тўпурар бўлиб турибди.

Бунгача фақат 3 ўйинчига камида ЕЧЛнинг кетма-кет 7та учрашувида гол уришга муваффақ бўлган.

Ҳужумчи Криштиану Роналду «Реал» сафида 2 марта амалга оширган (2013/14 мавсумда 8та ўйин ва 2017/18 мавсумда 11та ўйин).

«Манчестер Юнайтед» клуби собиқ ҳужумчиси Руд ван Нистелрой 2002/03 мавсумда кетма-кет 9та ўйинда гол урган бўлса, «ПСЖ» ҳужумчиси Эдинсон Кавани 2016/17 мавсумда кетма-кет 7та учрашувда тўп киритган.