«Бавария» ярим ҳимоячиси Филиппе Коутиньонинг агенти Киа Журабчиан бразилиялик футболчининг келажаги борасида ўз фикрини билдириб ўтди.
«Айни пайтда Коутиньо бор эътиборини Чемпионлар лигасига қаратган. Олдинда катта ўйин кутиб турибди. Филиппе ўз жамоасига қарши майдонга чиқишни истамоқда. Шу боис, у ўйинга жиддий тайёргарлик кўрмоқда.
Коутиньо дастлаб «Барселона»га қарши ўйинда ғалаба қозониб, якунда Чемпионлар лигасида ғолиб чиқишни истамоқда. Бунинг учун эса «Бавария»нинг салоҳияти етади, деб ўйлайман.
Чемпионлар лигаси якунланганидан кейин эса унинг келажаги борасида музокараларни бошлаймиз. Бу масалада у билан гаплашдим.
Филиппега Англия премьер-лигаси ёқади. У АПЛга қайтмоқчи. Аммо молия ва коронавирус билан боғлиқ вазият ҳал қилувчи аҳамиятга эга бўлиши мумкин. Ахир у нархи арзон ўйинчи эмас», – деди агент.