Туриннинг "Ювентус" клубидан Каталониянинг "Барселона" клубига кеўчиб ўтган Миралем Пьянич нима сабабдан «Камп Ноу»га кўчиб ўтганига изоҳ берди. Бугун Пьянич "кўк-анорранглилар" футболчиси сифатида кенг оммага таништирилди.
«Болалигимдаёқ «Барселона» клуби сафида тўп суришни орзу қилганман. Дунёнинг энг буюк клуби сафига ўтдим. Умид қиламанки, ўзимнинг энг яхши сифатларимни кўрсата оламан ва маҳаллий мухлисларни хурсанд қилишга эришаман.
Месси? Уни «Барселона»дан кетишини тасаввур қила олмасдим. «Барселона» - унинг уйи. Лео – футбол тарихининг энг кучли футболчиси, у жамоада қолганидан хурсандман», - Пьяничнинг сўзларидан иқтибос келтирмоқда «Барселона» клуби матбуот хизмати.
