УЕФА Чемпионлар Лигасининг ўтган мавсумидаги энг яхшиларни аниқлашни бошлади.

Ҳар бир 4 позиция учун совринга 3 тадан номзод қўйилган: энг яхши дарвозабон, ҳимоячи, ярим ҳимоячи ва ҳужумчи.

«Бавария»нинг 7 футболчиси финал рўйхатдан ўрин олган бўлса, 3 футболчи ПСЖдан, «Атлетико» ва «Ман Сити»дан биттадан футболчи номзодлар орасидан ўрин олган:

Дарвозабонлар: Кейлор Навас, Мануэл Нойер, Ян Облак;

Ҳимоячилар: Давид Алаба, Алфонсо Девис, Жошуа Киммих;

Ярим ҳимоячилар: Кевин де Брюйне, Томас Мюллер, Тиаго Алкантара;

Ҳужумчилар: Роберт Левандовски, Килиан Мбаппе, Неймар.

Бу совринлар 2016/17 йилги мавсумдан бошлаб топширилмоқда. Ғолибларга совринлар турнирнинг янги мавсуми қуръаси олдидан топширилади. Чемпионлар Лигасининг 2020/21 йилги мавсум гуруҳ босқичини қуръаси Швейцариянинг Ньон шаҳрида, 1-октабр куни ўтказилади. Кейинги куни Европа Лигасининг энг яхшилари тақдирланади.

Футболчилар қандай қилиб шорт-листдан жой олишди?

Ҳакамлар жамоасидан Чемпионлар Лигасининг 2019/20 йилги мавсуми гуруҳ босқичида иштирок этган жамоаларнинг 32 мураббийи, шунингдек, Еuropean Sports Media (ESM)нинг сараланган 55 журналисти, УЕФАнинг ичига кирган ассоциацияларни биттадан аъзоси ўрин олган. Мураббийлар ўз футболчисига овоз бериши мумкин эмас.

Ҳакамлар ҳар бир позиция учун 3 футболчидан танлашган, биринчи футболчи 5 балл, иккинчиси 3 ва учинчи футболчи 1 балл билан баҳоланади. Ҳар бир позицияда энг кўп очко тўплаган 3 футболчи финал рўйхатидан ўрин олди.

Ўтган мавсум ғолиблари

Дарвозабон: Алиссон Бекер
Ҳимоячи: Виржил ван Дейк
Ярим ҳимоячи: Френки де Йонг
Ҳужумчи: Лионел Месси