UYEFA Chempionlar Ligasining o‘tgan mavsumidagi eng yaxshilarni aniqlashni boshladi.

Har bir 4 pozisiya uchun sovringa 3 tadan nomzod qo‘yilgan: eng yaxshi darvozabon, himoyachi, yarim himoyachi va hujumchi.

«Bavariya»ning 7 futbolchisi final ro‘yxatdan o‘rin olgan bo‘lsa, 3 futbolchi PSJdan, «Atletiko» va «Man Siti»dan bittadan futbolchi nomzodlar orasidan o‘rin olgan:

Darvozabonlar: Keylor Navas, Manuel Noyer, Yan Oblak;

Himoyachilar: David Alaba, Alfonso Devis, Joshua Kimmix;

Yarim himoyachilar: Kevin de Bryuyne, Tomas Myuller, Tiago Alkantara;

Hujumchilar: Robert Levandovski, Kilian Mbappe, Neymar.

Bu sovrinlar 2016/17 yilgi mavsumdan boshlab topshirilmoqda. G‘oliblarga sovrinlar turnirning yangi mavsumi qur’asi oldidan topshiriladi. Chempionlar Ligasining 2020/21 yilgi mavsum guruh bosqichini qur’asi Shveysariyaning Nyon shahrida, 1-oktabr kuni o‘tkaziladi. Keyingi kuni Yevropa Ligasining eng yaxshilari taqdirlanadi.

Futbolchilar qanday qilib short-listdan joy olishdi?

Hakamlar jamoasidan Chempionlar Ligasining 2019/20 yilgi mavsumi guruh bosqichida ishtirok etgan jamoalarning 32 murabbiyi, shuningdek, Yeuropean Sports Media (ESM)ning saralangan 55 jurnalisti, UYEFAning ichiga kirgan assosiasiyalarni bittadan a’zosi o‘rin olgan. Murabbiylar o‘z futbolchisiga ovoz berishi mumkin emas.

Hakamlar har bir pozisiya uchun 3 futbolchidan tanlashgan, birinchi futbolchi 5 ball, ikkinchisi 3 va uchinchi futbolchi 1 ball bilan baholanadi. Har bir pozisiyada eng ko‘p ochko to‘plagan 3 futbolchi final ro‘yxatidan o‘rin oldi.

O‘tgan mavsum g‘oliblari

Darvozabon: Alisson Beker
Himoyachi: Virjil van Deyk
Yarim himoyachi: Frenki de Yong
Hujumchi: Lionel Messi