Англиянинг "Манчестер Сити" клуби бош мураббийи Хосеп Гвардиола "шаҳарликлар" билан яна бирга ишлаш ниятида эканлигини яширмади.
"Манчестер Сити"да қолишни хоҳлайман. Мен бу клубни севаман, лекин янги шартнома учун муносиб ишлаш керак. Сўнгги 10 йилда жамоа кўплаб ютуқларга эришди, лекин юқори ўринларда туриш керак. Ҳозирча раҳбарияти мен билан янги шартнома борасида гаплашмади. Агар мен клубнинг ишончини оқлай олмасак, у ҳолда янги шартномага муносиб эмасман. Шартномани узайтириш учун совринларни қўлга киритимиш керак", - Гвардиоланинг сўзларидан иқтибос келтирмоқда ВВС.
49 ёшли каталониялик мураббийнинг "шаҳарликлар" билан амалдаги шартномаси 2021 йилнинг ёзади якунланади.
