Россиянинг «Ростов» клуби Швециянинг «Норрчепинг» клуби ҳужумчиси Понтус Альмквист билан шартнома имзоламоқда. Бу ҳақда Transfermarkt.ru сайти хабар тарқатмоқда.
Ростовликлар Понтуснинг трансфери учун 3,5 миллион евро сарфлашмоқда. Альмквист яқиндагина Италиянинг "Женоа" клубига кўчиб ўтган ҳамюртимиз Элдор Шомуродовнинг ўрнига тўғридан-тўғри ўринбосар сифатида келмоқда.
Альмквист айни пайтда 21 ёшда. Ўтган мавсум у «Норчёпинг» таркибида 22 та учрашув ўтказиб, 5 та гол киритди ва 2 та голга ассистентлик қилди.
"Ростов" клуби яқин соатлар ичида ёш ҳужумчи билан шартнома имзолаганини расмий эълон қилади..
