Франциянинг "ПСЖ" клуби ҳужумчиси Неймар суд қарорига апелляция берди ва "Барселона"дан бонус пулларини ундиришга умид қилмоқда.
Marca нашрининг тарқатган маълумотига қараганда, бразилиялик ҳужумчи 2016 йили "Барселона" клуби билан шартномани узайтиргани учун 43,6 миллион евро миқдорида бонус пулини ундирмоқчи. Ўз навбатида "Барселона" унга бонус пулларини тўлаб бермайди, чунки, Неймар бир йилдан сўнг шартномани беокр қилиш учун пул тўлаб, Франциянинг "ПСЖ" клубига ўтиб кетганди.
Неймарнинг давоси рад этилди. Бундан ташқари, футболчига "Барселона" ҳисобига 6,7 миллион евро тўлаш мажбурияти юклатилди. Аммо, Неймарнинг адвокатлари суднинг бу қарорига қарши чиқишмоқда.