Наманганнинг "Навбаҳор" клуби собиқ бош мураббийи ва Англиянинг «Манчестер Юнайтед» клуби собиқ футболчиси Андрей Канчельскис жамоа бош мураббийи сэр Алекс Фергюсонни инглиз тилини тушунмаганлиги сабабли, тасодифан сўкиб юборганини эслади.
«Чет эллик футболчиларга доим сўкиш ўргатилади. Буни Россияда мураббийлик қилганимда бразилиялик футболчилар мисолида кўрганман.
Менга «Манчестер Юнайтед»да мураббийга қандай мурожаат қилишни ўргатишган. Биринчи марта Фергюсон билан "Манчестер Юнайтед" базаси йўлакчасидан кесиб ўтганимизда, у менга: "Хўш, Андрей, яхшимисан?" - деди. Мен кулдим-да, унга жавоб қайтардим: «Йўқол, шотландиялик аҳмоқ».
Фергюсон аввалига донг қотиб турди, мен ҳайрон бўлиб тургандим, у йўлакчадан акс-садо бераётган кулгуни эшитганидан сўнг, кула бошлаганди», – деб ўша воқеани хотирлади Канчельскис ўзининг таржимаи ҳолида.
