1986 йилги Жаҳон чемпионатининг 1/4 финал доирасида Аргентина ҳамда Англия терма жамоалари ўртасидаги ўйинни бошқарган бошқарган тунислик собиқ ҳакам Диего Марадона ҳақида фикр билдирди.
«Марадона майдон марказидан катта тезлик билан олдинга қараб чопди, мен эса унинг ортидан эргашдик. Марадонадек футболчиларнинг ўйинларини бошқарсангиз улардан кўзни узишни имкони йўқ.
Англияликлар уч маротаба уни қўполлик билан тўхтатиб қолишга ҳаракат қилишди, бироқ, Марадонани олдинга бориш истаги юқори бўлгани учун у йиқилмади. Мен эса у жарима майдончаси ичига кириб боргунича «устунлик» деб бақирдим.
Мен Марадонани кузатиб, қандай қилиб 50 метрда учта ҳимоячини ортда қолдирганига ҳайрон қолдим. Ўша пайтда хаёлимга «Ҳозир ҳимоячилар уни қўполлик билан тўхтатишади»-деб ўйлаб, пенальти белгилашга тайёр тургандим.
Ажабланарлиси шундаки, у бошқа ҳимоячи ва дарвозабонни алдаб ўтиб "Аср голини" киритди. Шахс сифатида ва ҳакам сифатида мен мана шу тарихий дақиқаларда муҳим роль ўйнаганимдан хурсандман.
Агар мен дастлабки учта фолнинг бирида ҳуштак чалиб, ўйинни тўхтатганимда мана шундай тарихий дақиқаларни гувоҳига айланмаган бўлардим. Ўйинни давом эттириш учун имконият берганим - менинг катта ютуқларимдан бири бўлди», – деди тунислик собиқ ҳакам.
Айнан мана шу учрашувда Бин-Нассер Марадонанинг қўли билан киритган голини ҳам ҳисобга олганди. Ушбу гол кейинчалик "Яратганнинг қўли" номи билан машҳур бўлди. Марадона ўша чемпионатнинг ғолибига айланди ва турнирнинг энг яхши футболчиси бўлган.
