1986 yilgi Jahon chempionatining 1/4 final doirasida Argentina hamda Angliya terma jamoalari o‘rtasidagi o‘yinni boshqargan boshqargan tunislik sobiq hakam Diyego Maradona haqida fikr bildirdi.

«Maradona maydon markazidan katta tezlik bilan oldinga qarab chopdi, men esa uning ortidan ergashdik. Maradonadek futbolchilarning o‘yinlarini boshqarsangiz ulardan ko‘zni uzishni imkoni yo‘q.

Angliyaliklar uch marotaba uni qo‘pollik bilan to‘xtatib qolishga harakat qilishdi, biroq, Maradonani oldinga borish istagi yuqori bo‘lgani uchun u yiqilmadi. Men esa u jarima maydonchasi ichiga kirib borgunicha «ustunlik» deb baqirdim.

Men Maradonani kuzatib, qanday qilib 50 metrda uchta himoyachini ortda qoldirganiga hayron qoldim. O‘sha paytda xayolimga «Hozir himoyachilar uni qo‘pollik bilan to‘xtatishadi»-deb o‘ylab, penalti belgilashga tayyor turgandim.

Ajablanarlisi shundaki, u boshqa himoyachi va darvozabonni aldab o‘tib "Asr golini" kiritdi. Shaxs sifatida va hakam sifatida men mana shu tarixiy daqiqalarda muhim rol o‘ynaganimdan xursandman.

Agar men dastlabki uchta folning birida hushtak chalib, o‘yinni to‘xtatganimda mana shunday tarixiy daqiqalarni guvohiga aylanmagan bo‘lardim. O‘yinni davom ettirish uchun imkoniyat berganim - mening katta yutuqlarimdan biri bo‘ldi», – dedi tunislik sobiq hakam.

Aynan mana shu uchrashuvda Bin-Nasser Maradonaning qo‘li bilan kiritgan golini ham hisobga olgandi. Ushbu gol keyinchalik "Yaratganning qo‘li" nomi bilan mashhur bo‘ldi. Maradona o‘sha chempionatning g‘olibiga aylandi va turnirning eng yaxshi futbolchisi bo‘lgan.