ФИФА 2020 йилнинг "энг яхши аёл мураббийи" деб Нидерландия терма жамоаси бош мураббий Сарина Вингманни топди. Вангман 2019 йили Жаҳон чемпионати финалида иштирок этган.
«Ушбу совринни жамоамизнинг барча аъзоси биргаликда қўлга киритди, айнан уларнинг меҳнати мени шу ерга олиб келди. Оддий бўлмаган йилда ноодатий қарорларни қабул қилишга мажбур бўлганимизни қайд этиш керак.
Менга кўплаб мураббийлар илҳом бағишлайди, шу жумладан сизнинг студияларингизда турган Гуллит ҳам.
Ушбу соврин учун каттакон раҳмат айтаман, жуда бахтиёрман, аёллар футболига ёрдам бераётган барчадан миннатдорман. Ўзимнинг мураббийларим штабига, футболчиларга ва бунга алоқадор барча инсонларга раҳмат айтаман», - деди Вингман тақдирлаш маросими вақтида.
