"Йилнинг энг яхши футболчиси" мукофотини қўлга киритадиган футболчини танлаш пайтида овозлар қандай тақсимлангани маълум бўлди.
Соврин эгаси - "Бавария" ҳужумчиси Роберт Левандовски 52% овоз олди. Польшалик футболчи терма жамоа мураббийларидан 554 овоз ва терма жамоа сардорларидан яна 631 овоз олди.
"Ювентус" ҳужумчиси Криштиану Роналду 38 фоиз овоз билан иккинчи ўринни эгаллади. У терма жамоалар мураббийларидан 186 овоз ва сардорлар сўровномасида яна 259 овоз олди.
"Барcелона" сардори Лионел Месси 35% овоз билан учинчи ўринни эгаллади. 196 терма жамоа мураббийлари ва 207 терма жамоа сардорлари унга овоз беришди.
