Бугун "Манчестер Юнайтед" бош мураббийи сэр Алекс Фергюсон 70 ёшни қарши олди.
Шотландиялик мутахассис фаолиятини "Ист Стерлингшир"да бошлаган. "Сент-Миррен" ва"Абердин"да ўтказган 12 йиллик фаолиядан сўнг у "Манчестер Юнайтед"га бош мураббий бўлиб келади. Бу воқеа 1986 йилнинг 6 ноябрида содир бўлганди. 25 йилдан буён жамоани бошқариб келаётган мураббий жамоани бошқариш муддати бўйича клубнинг мутлақ рекордчиси ҳисобланади. Яқинда у Мэтт Басбига тегишли бўлган рекордни янгилади. Европадаги ҳеч бир мураббий бунча узоқ вақт довомида жамосини бошқараётгани билан мақтана олмайди.
"Манчестер Юнайтед" бош мураббийи сифатида у бир ярим мингга яқин учрашувда жамоани майдонга олиб тушди. У бошчилик қилган даврда "Манчестер Юнайтед" 12 маротаба Англия чемиони деган номга сазовор бўлишди ва бу кўрсатгич бўйича "Ливерпуль"дан ўзиб кетди. Шунингдек 5 бора Англия кубоги, тўрт маротаба Лига Кубоги, икки бора Чемпионлар лигаси соҳибига айланди. Бир мартадан Кубок эгалари Кубоги, УЕФА Суперкубоги, Қитъалараро кубок ва клублар ўртасидаги жаҳон чемпионатида ғалаба қозонди.
