"Лечче" бош мураббийи Серсе Космининг айтишича, жамоаси Италия чемпионати 17-туридан ўрин олган "Ювентус"га қарши учрашувга жиддий тайёргарлик кўрмоқда. Бу ҳақда "Football Italia" интернет нашри хабар бермоқда.
"Ювентус" шу вақтгача ҳали бирор марта ҳам мағлубиятга учрагани йўқ, "Лечче" бўлса ушбу мавсум ҳали ўз майдонида ғалаба қозона олганича йўқ. Аммо ўйиндан аввал статистик маълумотларга қараш керак, деб ўйламайман", деди "Лечче" устози.
"Биз ушбу мураккаб вазиятдан чиқиб кетишни ва кучли рақибга қарши учрашувда жуда ҳам муҳим натижага эришишни хоҳлаймиз", деди Косми.
"Жамоамизнинг салоҳияти ва кучли томонларига ишонишимиз керак. Мен "Ювентус" иштирокидаги бир қатор учрашувларни кўриб чиқдик ва, тан олиш керак, айни вақтда улар А Сериядаги энг яхши футболни намойиш этишмоқда", деди "Лечче" бош мураббийи Серсе Косми.
"Лечче" Италия чемпионатидаги 16 учрашувдан сўнг 9 очко тўплагани ҳолда мусобақа жадвалининг энг қуйи поғонаси - 20-ўринда бормоқда. Жамоа шу вақтгача иккита учрашувда ғалаба қозониб, учтасида дуранг ўйнаган. Ғалабалар сафар ўйинларида қўлга киритилган. Жамоа ўз майдонида шу вақтгача атиги бир очко ишлаган.
