Лондоннинг «Арсенал» клуби бош мураббийи Микел Артета «Эвертон»га учралган мағлубиятда ҳакамларни айблади.
У агар рақиб томонига пенальти белгилаганда вазият умуман бошқача бўлиши мумкин деб ўйламоқда.
«Менимча, майдондаги катта устунлик бизнинг томонимизда бўлди. Тўпга кўпроқ эгалик қилдик. Ҳакам кўп вазиятларда адашди. У ерда юз фоиз пенальти бор эди. Агар ҳакам ўшанда пенальти белгилаганда ўйин сурати буткул бошқа томонга ўзгариб кетарди.
Натижада босим сабаб автогол ўтказиб юбордик. Тўғри хатолар футболнинг бир қисми. Бироқ бу ўйинга жиддий таъсир кўрсатмаслиги керак», - дейди Артета.
Эслатиб ўтамиз, «Арсенал» айни дам АПЛ турнир жадвалида 9 ўринни банд этган.
