Экваториал Гвинея ва Ливия терма жамоалари ўртасидаги ўйин билан Африка Миллатлар кубогига старт берилди.
Аввалроқ, майдон эгалари ғалабаси учун маҳаллий ҳукумат томонидан 1 миллион доллар пул мукофоти ваъда қилингани ҳақида хабар берган эдик. Узоқ вақт ҳисоб очилмаган ўйиннинг 87-дақиқасига келибгина, мезбонлар миллион долларлик голни киритишга муваффақ бўлдилар.
Экедонинг ошириб берган тўпини келиб чиқиши испаниялик бўлган Хавьер Бальбоа дарвозага аниқ йўллади.
Умуман мезбонлар терма жамоасини ҳақиқий байналминал деб атасак бўлаверади. Бугун таркибда ҳаракат қилган футболчиларнинг нақ 7 (!) нафари испанлар экан. Голли тўп узатишни амалга оширган Экедо эса асли нигериялик бўлиб, “ўзлаштирилиб” олинган экан.
Демак илк учрашувда ғалаба қозонган мезбонлар мамлакат президенти Теодоро Обианг Нгуемдан ғалаба учун 1 миллион ва киритилган гол учун қўшимча тарзда, яна 20 минг доллар пул мукофотини олишади.
ЭКВАТОРИАЛ ГВИНЕЯ - ЛИВИЯ 1:0 (0:0)
Гол: Хавьер Бальбоа (87)
ЭКВАТОРИАЛ ГВЕНЕЯ: Данило, Кили, Дое, Руи, Фуссени, Бен Конат, Хавтер Бальбоа, Жувенал, Иван Боладо (Нарцсс Эканга - 70), Ранди, Тьерри Фиджеу (Рудольфо Бодипо - 70, Даниэль Экедо - 86),
ЛИВИЯ: Самир Абуд, Юнус ащ-Шибоний, Абдулазиз Балриш, Али Саломат, Волид Муҳодиб (Абдуллоҳ аш-Шариф - 67), Аҳмад Саъд, Жамол Маҳаммат, Марван Мабрук (Илҳаъб Буссуфий - 54), Абубакир Робиъа, Муҳаммад ас-Синаъний (Абубакир ал-Убайдий - 72), Аҳмад Зувай
Огоҳлантиришлар: Ранди (62) - Аҳмад Саъд (72), Абубакир ал-Убайдий (82), Абдуллоҳ аш-Шариф (90+4)
21 январь. Бата. Эстадио де Бата.
Бош ҳакам: Нормандес Дуэ (Кот-д’Ивуар)
