Александр Аверьянов шогирдлари 21 январь куни Чиғатойда тиббий кўрикдан ўтишди ва бугундан бошлаб Чилонзордаги сунъий қопламали майдонда кунига икки маҳалдан машғулотларга киришадилар.
Ушбу йиғин давомида мураббийлар бир қатор янги ўйинчиларни ҳам кўрикдан ўтказишни режалаштиришган. Шу мақсадда жамоа қароргоҳига Андрей Власичев, Тимур Акчурин, Феҳруз Достонов ва Адҳам Нурмуҳаммедов келиб қўшилдилар.
Власичевдан фарқли ўлароқ, қолган футболчилар ҳали ёш ҳисобланадилар. Андрей эса ўз вақтида Ўзбекистон терма жамоаси учун тўп сурган. Айни пайтда улар синовдан ўтиш учун таклиф этилдилар. Агарда мураббийларда яхши таассурот қолдиришса жамоада қоладилар.
Шунингдек, дарвозабон Антон Майерановнинг ҳам келиши кутилмоқда. Дарвоқе, украиналик Александр Половков бугун эрталаб етиб келди.
