Аргентина футбол ассоциациясининг расмий сайти мамлакатдаги коронавирус билан боғлиқ беқарор вазият туфайли миллий турнирларнинг тўхтатилишини расман эълон қилди.
Маълум қилинишича, ушбу чоралар бугундан бошлаб, 30 майгача амал қилади ва Лига Кубоги ярим финаллари билан бирга финалга ҳам таъсир қилади (Марадона Кубоги).
Ҳозирда Либертадорес Кубоги ва Судамерикана кубоги тақвимига ўзгартириш киритиш режаси йўқ.
Аввалроқ, шу йил ёз ойида бўлиб ўтиши режалаштирилган Америка Кубоги турнирини ўтказишдан Колумбиа маҳрум этилиб, фақат Аргентина қолганлиги маълум қилинган эди.
